سنگترہ کا استعمال اور اس کے فوائد

دل Heart اور Stomach معدہ کو قوت بخشتا ہے خون اور صفرا کی تیزی کو ساکن کرتا ہے۔ پیاس بجھاتا ہے ۔ جگر کی سوزش کو دور کرتا ہے۔ وباء کی زہر کو کاٹا ہے ۔ پیشاب جاری کرتا ہے۔ اس کو ہمیشہ کھانے کے 2 گھنٹے بعد کھانا اچھا ہوتا ہے اور کو نہ کھانا چاہئے ۔ایک وقت میں زیادہ سے زیادہ 5 عدد کھا سکتے ہیں ۔زیادہ کھانے سے پٹھوں کو کمزور کرتا ہے ۔

پھٹی ہوئی ایڑیوں کا دیسی اور گھریلو علاج

اگر پاؤں کی ایڑیاں پھٹی ہوئی ہوں تو موم اور چھوٹے گوشت کی چربی برابر مقدار میں لے کر آگ پر پگھلائی پاؤں پاؤں کی تندرستی بھی خوبصورتی میں شامل ہے۔یاد رکھیے کے حسین قامت کے لیے پاؤں بھی حسین ہونے چاہیں۔موسم سرمامیں تو بند جوتے اور جرابیں پہنی جاتی ہیں۔اس لیے پاؤں محفوظ رہتے ہیں۔اور ان کی زیبائش کی ضرورت نہیں رہتی۔مگر موسم گرما میں چپلیں اور سینڈل وغیرہ پہنے جاتے ہیں جن میں پاؤں کھلے رہتے ہیں ایسے میں ان کی صفائی اور زیبائش کی طرف خاص توجہ دینی چاہیے۔اس سلسلے میں درج ذیل باتوں کا خاص خیال رکھیں۔ ۱۔غسل کے دوران پاؤں میں صابن مل کر انہیں جھانویں سے صاف کریں۔ ۲۔ایڑیوں کی صفائی پر خاص توجہ دیں۔ ۳۔ہفتے میں ایک بار دوپہر کے وقت یا رات کو سونے سے پہلے پاؤں پر ویزلین کا لیپ کریں۔ایڑیوں پر ویزلین کا موٹا لیپ کریں۔لیپ اگر صبح کو کرے تو شام کو اور اگر رات کو کریں تو صبح کو پاؤں نیم گرم پانی سے دھوئیں اور پھر کھردرے تولیے سے اچھی طرح پاؤں رگڑیں۔ ۴۔اگر پاؤں کی ایڑیاں پھٹی ہوئی ہوں تو موم اور چھوٹے گوشت کی چربی برابر مقدار میں لے کر آگ پر پگھلائیں،اور بیشتر اس کے ٹھنڈی ہوجائے،اسے چھری کی مدد سے ایڑیوں پر لگائیں اور جرابیں پہن لیں،یہ عمل رات کو سونے سے پہلے کریں۔ ۵۔ہفتے میں ایک بار چلمچی میں نیم گرم پانی ڈالیں اس میں چائے کے دو چمچے نمک ملائیں۔اس پانی میں اپنے پاؤں دس منٹ تک بھگوئیں،پھر پاؤں کو جھانویں سے رگڑ کر صاف کریں،اس کے بعد صابن لگا کرجھانویں سے صاف کریں،پھر پاؤں کو ٹھنڈے پانی سے دھوئیں،پاؤں خشک کرکے کوئی لوشن،کریم،اسٹرنجنٹ یا یوڈی کلون لگائیں،اس سے تھکاوٹ دور ہوتی ہے۔ ۶۔تنگ جوتوں سے پاؤں میں چھالے پڑجاتے ہیں۔ایسے جوتے پہننے سے گریز کریں۔پاؤں پر چھالا پر جائے تو سوئی سے چھالے کو چھید کر مواد نکال دیں،اب ڈیٹول یا کسی اور جراثیم کش محلول میں روئی بھگو کر اسے صاف کریں اوپر بورک پاؤڈر چھڑک دیں۔ ۷۔اگرا ٓپ کے پاؤں میں پسینہ آتا ہے تو جوتا پہننے سے پہلے پاؤں کے تلووں پر پسی ہوئی پھٹکری ملیں،اس مقصد کے لیے بلاٹنگ پیپرکا تلا بھی جوتے میں رکھا جاسکتا ہے،لیکن یہ تلا روزانہ بدل دینا چاہیے۔ ۸۔اگرپاؤں پر معمولی قسم کے گٹے پڑ جائیں تو جوتا پہننے سے پہلے ان پر ٹشو پیپر کا ٹکڑا تہہ کرکے رکھیں۔اس مقصد کے لیے کارن پیڈ(Corn Pad) بھی استعمال کیا جاسکتا ہے۔ ۹۔بعض اوقات پاؤں پر سردی یا دباؤ داغ یا لکیریں پڑجاتی ہیں۔اس کا علاج یہ ہے کہ پاؤں پر ملتانی مٹی کا لیپ کریں،بیس منٹ کے بعد پاؤں دھولیں،یہ عمل ہفتے میں تین بار کریں۔ ۱۰۔اگر آپ کے پاؤں پر سفید کھردرا مادہ جما ہوا ہو تو اس کو کیوٹیکل ریموور(Cuticle Remover) سے اتار دیں۔ ۱۱۔اپنے پاؤں کے ناخنوں کو نیل پالش سے پینٹ کریں۔اس سے پاؤں کا حسن دوبالا ہوجاتا ہے،مگر پاؤں کے ناخنوں پر پالش لگانے سے پہلے انگلیوں کے درمیانی روئی رکھیں تاکہ انگلیاں ایک دوسرے سے الگ ہوجائیں اور پالش ادھر اُدھر نہ لگے۔ ۱۲۔اونچی ایڑی کا جوتا پہننے سے بدہضمی بے خوابی اور دانتوں کی کئی بیماریاں پیدا ہوجاتی ہیں،اس لیے اونچی ایڑی کے جوتے نہ پہنیں۔ ۱۳۔اگر پاؤ ں میں بدبودار پسینہ آتا ہو اور جرابیں خراب ہوجاتی ہوں تو پوٹاشیم پر مینگنیٹ جسے پنکی بھی کہتے ہیں،گرم پانی میں ملا کر پاؤں دھویا کریں، ۱۴۔ہر ساتویں آٹھویں دن پاؤں کے ناخن بھی تراشتے رہنا چاہیے۔

4 سیب کا روزانہ استعمال سے لازوال فائدے

سیب ایک مشہور پھل ہے ویسے تو دنیا میں سیب کی ڈیڑھ سو اقسام ہیں جو ایک دوسرے سے مختلف ہیں۔مزاج کے حوالے سے سیب تین قسم کا ہوتا ہے۔ترش سیب اِسکا مزاج سرد خشک ہے،میٹھا سیب اسکا مزاج گرم خشک ہے،پھیکا سیب اسکا مزاج سردتر ہوتا ہے۔سیب ایک نہایت صحت اور طاقت بخش غذا ہے ایک سیب میں ایک سو کیلوریز ہوتی ہیں۔سیب کا ذکر قدیم مذہبی کتابوں میں بھی ملتا ہے۔دنیا میں یہ سب سے پہلے بحیرہ مردار اور بحیرہ کیپسین کے درمیان کاکس نامی مقام پر پیدا ہوتا تھا۔اہلِ رُوم اسکا بیج برطانیہ لے گئے پھر برطانیہ سے امریکہ لایا گیاآج کل اسکی پیداوار دنیا کے ان تمام حصوں میں ہو رہی ہے جہاں نہ ذیادہ سردی ہوتی ہے نہ زیادہ گرمی۔دوسری جنگِ عظیم کے بعد اسکی پیداوار بہت بڑھ گئی۔فرانس ،جرمنی،اٹلی اورامریکا میں سیب سب سے زیادہ پیدا ہوتا ہے،دنیا میں اسکی سالانہ تجارت چار کروڑ من ہے اٹلی سب سے زیادہ برآمد کرتا ہے اور مغربی جرمنی سب سے زیادہ درآمد کرتا ہے تازہ سیب میں چوراسی فیصد پانی ہوتا ہے اور باقی ٹھوس۔اس میں زیادہ تر کھانڈ اور پروٹین ہوتا ہے سیب میں فاسفورس تمام پھلوں اور سبزیوں کی نسبت زیادہ پایا جاتا ہے،سیب کا چھلکا اُتار دینے سے ایک قیمتی جزو پھینک دینے کے مترادف ہے اس لیے اسکا چھلکا ضائع نہ کیا جائے سیب کے متواتر استعمال سے صحت وشباب کو چار چاند لگ جاتے ہیں روزانہ صبح خالی پیٹ تین سے چار سیب کھاکر اُوپر سے دودھ پینے سے صحت قابلِرشک ہو جاتی ہے۔جِلد کا رنگ سُرخ وسفید ہو جاتا ہے۔جسم کی تمام کمزوریاں ختم ہو جاتی ہیں۔سیب معدہ میں جا کرپیپین کو تیز کرتا ہے اور ہاضمہ میں مدد دیتا ہے۔خالی معدہ سیب کھانا بھوک بڑہاتا ہے۔رات کو سوتے وقت اور صبح خالی پیٹ سیب کھانادائمی قبض کو ختم کرتا ہے۔سیب کھانے سے جسم سے سستی ختم اور چستی آتی ہے۔معدہ اور جگر کے افعال تیز ہو جاتے ہیں جس سے لازمی طور پر جسمِ بدنی میں اضافہ ہوتا ہے سیب میں فاسفورس کی موجودگی دماغی کام کرنے والوں کے لیے خداداد نعمت ہے۔سیب میں فولاد کا جزو پایا جاتا ہے جسکی وجہ سے یہ خون کے سُرخ ذرات میں اضافہ کرتا ہے۔دل کی طاقت کے لیے سیب دنیا کی قیمتی ترین ادویات سے افضل ہے۔دل کی کمزوری والے حضرات سیب کا مربہ استعمال کریں۔گُردوں کو صاف کرنا بھی سیب کا فعل ہے۔سیب میں قدرت نے بے پناہ خوبیاں رکھی ہیں ۔سیب کو چھلکے کے ساتھ کھائیں اگر سیب کا جوس بنا کر استعمال کریں گے تو ایک تحقیق کے مطابق وہ ایک چینی والے مشروب سے زیادہ افادیت نہیں رکھتا